काठमाडौं, १५ फागुन । खानेपानीमन्त्री अब्दुल खानले खानेपानी संस्थानलाई राजनीतिक अखडा नबनाउँन र यदि राजनीति नै गर्नेभए फिल्डमा आउन आग्रह गरेका छन्। मन्त्री खानले सोमबार नेपाल खानेपानी संस्थानको ३४ औं वार्षिकोत्सव समारोहलाई सम्बोधन गर्दै खानेपानी संस्थानलाई राजनीतिक अखडा नबनाउँन र राजनीति नै गर्नेभए फिल्डमा आउन आग्रह गरेका हुन्।
उनले भने, ‘खानेपानी संस्थानलाई राजनीतिको अखडा नबनाउँ। राजनीति गर्नु नै छ भने फिल्डमा आउनुस्, अरु पार्टीमा स्थान दिएनन् भने म मेरो पार्टीमा राम्रो स्थान दिन्छु। तर खानेपानीमा राजनीति नगर्नुस्। राजनीति गरौं तर यसमा प्रधानमन्त्रीको अघि धर्ना बसेर, अर्थ मन्त्रालयको अघि बसेर धर्ना दिऔं म अगाडि हुन्छु तर कर्मचारीलाई उचालेर राजनीति नगरौं।’
