काठमाडौं, १७ फागुन । राष्ट्रपतिका उम्मेद्वार रामचन्द्र पौडेलले सबै मतदाताहरुलाई चिठ्ठी पठाएका छन्।
नेपाली कांग्रेस नेतृत्वको ८ दलीय गठबन्धनबाट उम्मेद्वार बनेका पौडेलले आफूलाई मतदान गर्न सबै मतदाताहरुलाई पत्र पठाएका हुन्।
पौडेलको प्रतिपक्षमा एमालेबाट सुवास नेम्वाङ उम्मेद्वार रहेका छन्।
राष्ट्रपति निर्वाचनका लागि प्रतिनिधिसभा सदस्य, राष्ट्रिय सभा सदस्य र प्रदेश सभाका सदस्यहरु गरी जम्मा ८८२ मतदाताहरु रहेका छन्।
राष्ट्रपतिको निर्वाचन यहीँ फागुन २५ गते हुँदैछ।
