काठमाडौं, १९ फागुन । मधेस प्रदेशमा कांग्रेस नेतृत्वको ८ दलीय गठबन्धनको अभिमुखिकरण कार्यक्रम सम्पन्न भएको छ।
बाबाको ढावा जनकपुरधाम धनुषामा सम्पन्न भएको कार्यक्रमको अध्यक्षता कांग्रेस मधेस प्रदेशका सभापति कृष्णप्रसाद यादवले गरेका थिए।
कार्यक्रममा मधेस प्रदेशका मुख्यमन्त्री रामसरोज यादब, नेकपा (माओवादी केन्द्र)का नेता मातृकाप्रसाद यादव , शरद सिंह भण्डारी , जनमत पार्टीका नेताहरू, नेकपा समाजवादीलगायतका नेताहरुको उपस्थितिमा कांग्रेस नेतृत्वको गठबन्धनबाट राष्ट्रपतिका उम्मेद्वार रहेका रामचन्द्र पौडेललाई विजयी बनाउन ८ दलीय गठबन्धनका प्रदेश सभा सदस्यहरुलाई निर्वाचन लक्षित गरी व्यवस्थापन र अभिमुखिकरण कार्यक्रम गरिएको कांग्रेस मधेस प्रदेश प्रचारप्रसार प्रमुख नितेश कुमार गुप्ताले बताए।
