काठमाडौं, १६ चैत्र । नेपाली कांग्रेसले बारा–२ को उपनिर्वाचनमा उम्मेदवार नउठाउने भएको छ । कांग्रेसले बारा–२ मा जनता समाजवादीका अध्यक्ष उपेन्द्र यादवलाई सघाउने निर्णय गरेको हो ।
आज बसेको केन्द्रीय कार्यसम्पादन समितिको बैठकले बारा–२ मा उम्मेदवार नउठाएर जसपालाई समर्थन गर्ने निर्णय गरेको हो ।
बारा– २ को सन्दर्भमा गठबन्धनका दलहरुबीच पनि आवश्यक छलफल गर्ने कांग्रेसले निर्णय गरेको छ ।
