काठमाडौं, १७ चैत्र । रिपोर्टर्स क्लब नेपालले विभिन्न पत्रकारिता पुरस्कार प्रदान गरेको छ। क्लबले आज (शुक्रबार) आफ्नो स्थापनाको २५औं वार्षिकोत्सव (रजत महोत्सव) को अवसरमा आयोजित विशेष समारोहमा ती पुरस्कार प्रधानमन्त्री पुष्पकमल दाहालको हातबाट प्रदान गरिएको हो ।
क्लबले स्वर्गीय पत्रकार उमा सिंह स्मृतिमा स्थापित २५ हजार रुपैयाँ राशीको उमा सिंह स्मृति पत्रकारिता पुरस्कारबाट यसवर्ष पत्रकार फूलमाया आलेलाई सम्मान गरेको छ। आले सरोकार टेलिभजनकी सम्पादक हुन् । उनले विगत एक दशक लामो समयदेखि नेपालको टेलिभिजन पत्रकारिता क्षेत्रमा सक्रिय रहेर जनतालाई सुसूचित गराएकी छिन् ।
