काठमाडौं, २९ चैत्र । राष्ट्रिय स्वतन्त्र पार्टी (रास्वपा) का नेता डा. स्वर्णिम वाग्लेले जनताको सेवा गर्न बस्नेले ढोकाढोकामा घुस माग्ने परम्परालाई निर्मूल पार्ने बताएका छन् ।
आज (बुधबार) तनहुँमा आयोजित पत्रकार सम्मेलनलाई सम्बोधन गर्दै उनले नेपालमा व्यवसाय गर्ने मान्छेहरुलाई विभिन्न अड्चन रहेको र आफूहरु त्यसको निर्मूलका लागि लागिरहेको बताएका हुन् ।
‘ढोकाढोकामा टेबुल– टेबुलमा घुस खुवाउँदै हिड्नुपर्ने अड्चन छ नेपालमा व्यवसाय गर्छु भन्ने मान्छेहरुलाई । त्यो हामीले निर्मूल पार्छौ भनेर काम गरिरहेका छौं,’– वाग्लेले भने ।
