काठमाडौं, १ बैशाख । शीर्ष तीन दलका नेताको बैठक स्थगित् भएको छ।
शुक्रबार दिउँसो १ बजे सिंहदरबारस्थित सभामुख कक्षमा बस्ने भनिएको बैठक स्थगित् भएको हो।
सभामुख देवराज घिमिरेले बोलाएको बैठकमा नेपाली कांग्रेसका सभापति शेरबहादुर देउवा, नेकपा (एमाले)का अध्यक्ष केपी शर्मा ओली र नेकपा (माओवादी केन्द्र)का अध्यक्ष तथा प्रधानमन्त्री पुष्पकमल दाहाल सहभागी हुने बैठक एमाले अध्यक्ष ओलीको स्वास्थ्यमा समस्या आएपछि बैठक स्थगित् भएको सभामुखको सचिवालयले जनाएको छ।
सभामुख घिमिरेले संसद्को बिजनेस, संयुक्त समिति, विषयगत समिति र संयुक्त नियमावली मस्यौदा समिति गठनलगायतका विषयमा सहमति जुटाउन बैठक बोलाएका थिए।
