काठमाडौं,१ वैशाख । नयाँ वर्ष मनाउन पाल्पाको भूतखोला पोखरी पुगेका रुपन्देहीका एक युवकको पोखरीमा डुबेर मृत्यु भएको छ ।
नयाँ वर्ष मनाउन शुक्रवार रुपन्देहीको भैरहवाबाट भुतखोला पोखरी पुगेका सिद्धार्थनगर–१२ बेलहियाका अन्दाजी ३० वर्षीय शिभम जैशवालको मृत्यु भएको प्रहरी चौकी दोभानाले जनाएको छ ।
पोखरी हेर्न पुगेका शिभम ढुङ्गामा चिप्लिएर पोखरीमा खसेका थिए । साथीहरूसँगै घुम्न गएका उनलाई उद्धार गरी बुटवलको लुम्बिनी प्रादेशिक अस्पतालमा ल्याइए पनि त्यसअघि नै उनको मृत्यु भैसकेको अस्पतालले जानकारी दिएको थियो ।
