काठमाडौं, २ बैशाख । नेपाल राष्ट्र बैंकका पूर्वगभर्नर तथा राष्ट्रपति रामचन्द्र पौडेलका आर्थिक सल्लाहकार डा. चिरञ्जीवी नेपालले राष्ट्र बैंकमा जागिर खान कसैको सोर्स नलाग्ने बताएका छन्।
आज (शनिबार) उडान शैक्षिक केन्द्रले काठमाडौंमा आयोजना गरेको कार्यक्रमलाई सम्बोधन गर्दै पूर्वगभर्नर नेपालले राष्ट्र बैंकमा जागिर खान कसैको सोर्स नलाग्ने बताएका हुन्।
उनले भने, ‘तपाईंहरुले सोधे हुन्छ, राष्ट्र बैंकमा सोर्स लाग्दैन। त्यहाँ मजाले आफ्नो क्षमताले जागिर खाने हो। तल्लो तहदेखि माथिल्लो तहसम्म जागिर जान सोर्स चाहिँदैन। क्षमतालाई आफैंले उजागर गर्ने हो।’
