काठमाडौं,३ वैशाख । काठमाडौं आज विश्वकै सबैभन्दा प्रदुषित शहर बनेको छ ।
हावाको प्रदुषण मापन गर्ने एयर भेजुअल सूचक आईक्यू एयरले आज काठमाडौंलाई सबैभन्दा प्रदुषित शहरको सूचिमा राखेको हो ।
विगत केही दिनदेखि देशभरी लगातार रुपमा बढेको डडेलोको कारण वायु प्रदुषणको मात्रा तिब्र हुँदा यसको प्रत्यक्ष असर काठमाडौं लगायतका शहरमा परेको छ ।
अहिले काठमाडौंको एक्युआई १५० भन्दा धेरै पुगेको छ ।
सबैभन्दा बढी प्रदुषण भएको शहरको दोस्रो स्थानमा थाईल्याण्डको च्याङमाई शहर र तेस्रो स्थानमा भारतको कोलकत्ता शहर रहेको छ ।
