बारा–२ मा ११ बजेदेखि मतगणना सुरु हुने

काठमाडौं,११ वैशाख । बारा–२ मा सोमबार बिहान ११ बजेदेखि मतगणना सुरु हुने भएको छ । केहीबेर अघि बसेको सर्वदलीय बैठकले बिहान ११ बजेदेखि मतगणना सुरु गर्ने निर्णय गरेको हो ।

मतगणना उत्तरतर्फ रहेको कोहल्वी नगरपालिका वडा नम्बर ८ बाट शुरु गर्ने निर्वाचन अधिकृतको कार्यालयले जनाएको छ ।

बारा-२ मा उपेन्द्र यादव,रमेश खरेल र शिवचन्द्र कुशवाहाबीच मुख्य प्रतिस्पर्धा हुने देखिएको छ ।