काठमाडौं,१५ वैशाख । बाजुरामा १० घण्टाको अवधिमा भूकम्पका पाँच धक्का महसुस गरिएको छ ।
गए राति ११ बजेर ५८ मिनेटदेखि आज बिहाज ९ बजेर २५ मिनेटसम्म तीन म्याग्निच्युडदेखि माथिका भूकम्पका पाँच धक्का मापन गरिएको हो ।
राष्ट्रिय भूकम्प मापन तथा अनुसन्धान केन्द्रका अनुसार राति ११ बजेर ५८ मिनेटमा बाजुराको दहकोट आसपास केन्द्रविन्दु भएर ४.९ म्याग्निच्युडको भूकम्प गएको थियो । त्यसपछि आज बिहान साढे १ बजे दहकोट आसपासै केन्द्रविन्दु भएर ५.९ म्याग्निच्युडको शक्तिशाली भूकम्प गएको थियो ।
यस्तै, १ बजेर ५१ मिनेटमा दहकोट आसपासै केन्द्रविन्दु भएको ३.९, बिहान ५ बजेर ५७ मिनेटमा बाजुराकै बिच्छ्या आसपास केन्द्रविन्दु भएको ३.९ म्याग्निच्युडकै कम्पन मापन गरिएको थियो ।
शुक्रबारै बिहान ९ बजेर २५ मिनेटमा बाजुराको दहकोटै आसपास केन्द्रविन्दु भएको ४.१ म्याग्निच्युडको धक्का मापन गरिएको केन्द्रले जनाएको छ ।
नेपालको पश्चिम क्षेत्रमा विगत केही समयदेखी लगातार रुपमा भूकम्पका धक्का महसुस भईरहेको छ ।
