न्युयार्क । नेपाली मूलका व्यवसायी राज भण्डारी अमेरिकाको प्रतिष्ठित अवार्ड ‘एक्सपोर्टर अफ द इयर’ बाट सम्मानित भएका छन् । नेपालस्थित कास्की पुख्र्यौली घर भएका भण्डारीको साइनसीक्स नामको व्यवसायलाई सन् २०२३ को ‘एक्सपोर्टर अफ द इयर’ अवार्ड प्रदान गरिएको हो ।
ह्वाइट हासउमा आयोजित कार्यक्रममा अमेरिकी राष्ट्रपति जो बाइडेन र उपराष्ट्रपति कमला ह्यारिसले उनको टिमलाई भेटेर बधाई दिएका थिए । अमेरिकामा साढे ३ करोड साना व्यवसायी रहेका छन् । ५० राज्यबाट छानिएका शीर्ष ५० व्यवसायीमा भण्डारी क्यारोलिना राज्यबाट छनोट भएका हुन् ।
सन् १९८५ मा स्थापना भएको भण्डारीको साइनसीक्स कम्पनीले हाइ पर्फमेन्स लिक्वीड क्रोमेटोग्राफी र मास स्पेक्ट्रोमेट्री भागहरू निर्माण गर्ने गर्दछ । यो नेपाली मूलको व्यवसायीले अमेरिकामा पाएको सबैभन्दा ठूलो अवार्ड हो ।
