एजेन्सी । सर्बियाको राजधानी बेलग्रेडको एक विद्यालयमा बुधबार भएको गोलीकाण्डमा परी आठ विद्यार्थी र एक सुरक्षाकर्मीको मृत्यु भएको गृह मन्त्रालयले जनाएको छ।
यस घटनाले बाल्कन राष्ट्रलाई तर्साएको छ। दशकौंदेखि यति ठूलो परिमाणमा स्कूलमा गोली चलेको थिएन।
स्थानीय समयअनुसार बिहान ८:४० बजे बेलग्रेडको व्राकर जिल्लामा रहेको एक प्राथमिक विद्यालयमा गोली चलेको थियो।
विद्यालय बाहिर कुरेर बसिरहेका विद्यार्थीहरू व्याकुल देखिएका कारण अभिभावकहरू घटनास्थलमा पुगेपछि प्रहरीले छिमेक सिल गर्न तुरुन्तै कदम चालेको थियो।
“घटनामा आठ बालबालिका र एक सुरक्षा गार्डको मृत्यु भएको छ भने छ बालबालिका र एक शिक्षक घाइते भएका छन्,” गृह मन्त्रालयले भनेको छ।
सबै प्रहरी बलहरू अझै पनि घटनास्थलमा छन् र यस त्रासदीको कारणबारे सबै तथ्य र परिस्थितिहरू प्रकाश पार्ने काम गरिरहेका छन्।
बेलग्रेडको भ्राकर जिल्लाका अध्यक्ष मिलन नेडेलजकोभिकले विद्यालयका सुरक्षा गार्डले आक्रमणकारीको अगाडि आफूलाई राखेर थप मृत्यु हुनबाट रोकेको हुनसक्ने बताएका छन्।
