काठमाडौं, २२ बैशाख । सत्तारुढ गठबन्धन र राष्ट्रिय स्वतन्त्र पार्टी(रास्वपा)को बैठकको समय जुरेको छ।
सत्ता गठबन्धन र रास्वपाको बैठक आज (बिहीबार) साँझ ५ बजेका लागि तय भएको छ।
सत्ता गठबन्धनको बैठक प्रधानमन्त्री पुष्पकमल दाहालको सरकारी निवास बालुवाटारमा बोलाइएको हो।
बैठकमा अगामी बजेट, नीति, सरकारको कामकारवाही र समसामायिक विषयमा छलफल हुने बताइएको छ।
यस्तै, रास्वपाको केन्द्रीय कार्यालयमा केन्द्रीय समिति र संसदीयल दलको संयुक्त बैठक बोलाइएको छ।
बैठकमा प्रधानमन्त्री पुष्पकमल दाहाल नेतृत्वको सरकारलाई दिएको समर्थन र सरकारमा सहभागीतबारे निर्णायक छलफल हुने बताइएको छ।
