काठमाडौं,३१ वैशाख । लुम्बिनी प्रदेशका मुख्यमन्त्री डिल्लीबहादुर चौधरीले नक्कली भुटानी शरणार्थी प्रकरणमा आफ्नो संलग्नता नभएको भन्दै स्प्रष्टीकरण दिएका छन् ।
पूर्वगृहमन्त्री तथा कांग्रेस केन्द्रीय सदस्य बालकृष्ण खाण र सन्देश शर्मा रेग्मी पक्राउ परेपछि चौधरीको कनेक्सन जोडिएको भन्दै केही मिडियामा समाचार सार्वजनिक भएपछि मुख्यमन्त्री चौधरीको सचिवालयले विज्ञप्तिमार्फत प्रष्टीकरण दिएको हो ।
शनिबार चौधरी आफैँ गृहजिल्ला पुगेर यो विषयमा आफ्नो कुनै संलग्नता नभएको बताएका थिए ।
‘मेरो नाम विभिन्न सञ्चारमाध्यममा आएको प्रति गम्भीर ध्यानाकर्षण भएको छ, पत्रकारितामा समाचार लेख्दा केही आधार र प्रमाण त चाहिन्छ होला नि, त्यसै चरित्रहत्या गर्न त पत्रकारिताको धर्म होइन नि’, प्रेस युनियन दाङको अधिवेशनमा चौधरीले हिजो भनेका थिए ।
यस्तो छ चौधरीको सचिवालयले दिएको प्रष्टीकरण
