काठमाडौं,२ जेठ । गुजरात टाइटन्स इन्डियन प्रिमियर लिग (आईपीएल)को प्लेअफमा प्रवेश गरेको छ ।
गएराति भएको खेलमा सनराइजर्स हैदरावादलाई ३४ रनले पराजित गर्दै साविक विजेता गुजरात प्लेअफमा पुगेको हो ।
घरेलु मैदान नरेन्द्र मोदी स्टेडियममा टस हारेर पहिले ब्याटिङ गरेको गुजरातले शुभमन गिलको सानदार शतकमा ९ विकेट गुमाएर १८८ रन बनाएको थियो ।
१८९ रनको लक्ष्य पछ्याएको हैदरावाद निर्धारित २० ओभरमा ९ विकेट गुमाएर १५४ रन मात्र बनायो । हैदरावादका लागि हेनरिच क्लासेनले ४४ बलमा सर्वाधिक ५४ रन बनाए । भुवनेश्वर कुमारले २७ रन जोडे ।
गुजरातका लागि मोहम्मद शामीले ४ ओभरमा २१ रन खर्चेर ४ विकेट लिए । यस्तै मोहित शर्माले ४ ओभरमा २८ रन खर्चेर ४ विकेट लिए ।
