काठमाडौं, ३ असार । नेकपा (एमाले)का अध्यक्ष केपी शर्मा ओलीले आफ्ना सांसद्हरूलाई बजेटका गलत कुराहरूलाई सच्याउन बाध्य हुने गरी विरोध गर्न निर्देशन दिएका छन्।
आइतबार सातै प्रदेशका एमालेबाट निर्वाचित प्रदेश सांसद्हरूसँग भर्चुअल बैठकमार्फत सम्बोधन गर्दै बजेटका गलत कुराहरूलाई सच्याउन बाध्य हुने गरी विरोध गर्न निर्देशन दिएका हुन्।
उनले भने, ‘बजेटका गलत कुराहरू सच्याउन बाध्य पार्ने गरी सशक्त विरोध गर्नुस्। बजेट छलफलमा भाग लिँदा विरोधका लागि विरोध नभई देशलाई नकारात्मक असर पार्ने कुराहरूलाई परिवर्तन गर्ने गरी उठाउनुपर्छ। हाम्रो पार्टी प्रतिपक्षमा रहेको अवस्थामा पनि सही बजेट ल्याउनका लागि सहयोग गर्नुपर्छ।’
