काठमाडौं, ४ असार । नेपाली कांग्रेसका महामन्त्री विश्वप्रकाश शर्माले यो देश सतीले सरापेको नभइ भगवान गौतम बुद्धको आशीर्वाद प्राप्त देश भएको बताएका छन्।
सोमबार ट्रेड युनियन कांग्रेसको ७ औँ महाधिवेशनलाई सम्बोधन गर्दै उनले यो देश सतीले सरापेको नभइ भगवान गौतम बुद्धको आशीर्वाद प्राप्त देश भएको बताएका हुन्।
उनले भने, ‘बिपी कोइरालासँग सपना थियो, समय थिएन। हामीसँग समय छ त्यस किसिमको सपना छैन। हामीसँग व्यवस्थित सपना भएन। यो देशमा धरै कुरा भएको छ, गर्न धेरै बाँकी छ, यो देश बनाउन सकिन्छ र सतीको सराप भएको होइन, भगवान गौतमबुद्धको आशीर्वाद प्राप्त देश हो।
