काठमाडौं,२८ असार । नेकपा एमालेका अध्यक्ष केपी शर्मा ओलीले आजपनि पार्टी उपाध्यक्षहरुसँग छलफल गर्दैछन् ।
पार्टी सुदृढिकरण र संगठनात्मक विकासका लागि उपाध्यक्षहरुसँग छलफल गर्न थालेका हुन् । ओलीले हिजो पनि उपाध्यक्षहरुसँग छलफलल गरेका थिए । तर प्रधानमन्त्री पुष्पकमल दाहाल प्रचण्ड पत्नी सीता दाहालको निधन भएको कारण छलफलबीचमै सकिएको थियो ।
एमालेमा अष्टलक्ष्मी शाक्य,सुवासचन्द्र नेम्वाङ,रामबहादुर थापा ‘बादल’, विष्णु पौडेल, सुरेन्द्र पाण्डे, युवराज ज्ञवाली उपाध्यक्ष र ईश्वर पोखरेल वरिष्ठ उपाध्यक्ष रहेका छन् ।
एमालेले ३० गते सचिवालय बैठक बोलाएको छ। बैठकको कार्यसूची तय गर्न पनि यो बैठकले महत्वपूर्ण भूमिका खेल्ने नेताहरुले बताएका छन् ।
