काठमाडौं,२८ असार । रोल्पाको रुन्टीगढी गाउँपालिकाले आज सार्वजनिक बिदा दिएको छ ।
गाउँपालिकाको नेपाली कांग्रेसका तर्फबाट स्थानीय तह सदस्य निर्वाचनमा वडा नम्बर ४ को वडा अध्यक्ष निर्वाचित भएका ३९ वर्षीय टंकबहादुर पुनको निधन भएकोमा आज पालिकाभरी शोक विदा दिएको हो ।
वडाध्यक्ष पुनको स्क्रवटाईफाईटका कारण मृत्यु भएको थियो । घरमा बिरामी परेका पुन गाउँकै स्वास्थ्य संस्थामा सामान्य उपचारपछि थप उपचारका लागि दाङको राप्ती विज्ञान प्रतिष्ठान घोराहीमा भर्ना भएका थिए । प्रतिष्ठानमा उपचाररत पुनको वुधबार बिहान मृत्यु भएको हो ।
