काठमाडौं, २८ असार । हेल्पर केयरिङ सर्कल क्लबको आयोजनामा बुटवल १ जितगढी किल्लामा वृक्षारोपण कार्यक्रम सम्पन्न भएको छ । विश्वास घिमिरेको अध्यक्षतामा भएको उक्त कार्यक्रमको प्रमुख अतिथि बुटवल उपमहानगरपालिका वार्ड नं– १ का वडा अध्यक्ष नरेन्द्र बस्नेत रहेका थिए ।
कार्यक्रममा अध्यक्ष घिमिरेले आफ्नो क्लबले आयोजना गर्ने सम्पूर्ण कार्यमा सबैले हातेमालो गर्दै अघि बढ्नुपर्ने र सुरुवाती चरणदेखिनै क्लबले राम्रा कार्य गर्दै आएको बताए । क्लबको उचाई माथि पुर्याउनका लागि उनले सबैसमक्ष सहयोग र साथको आह्वानसमेत गरे ।
क्लबले आगामी दिनमा आश्रममा सहयोग गर्ने, सचेतनामूलक कार्यक्रम गर्ने र सामाजिक काम गर्ने लक्ष्य राखेको उनको भनाई छ । अतिथि खेलराज पाण्डेले युवाहरुको सक्रियतामा हुने सामाजिक कार्यमा सधैं साथ रहने र आगामी दिनमा सबैसँगको सहकार्यमा राम्रा खालका सामाजिक कार्य गर्नसमेत आग्रह गरे । क्लबले आयोजना गर्ने सम्पूर्ण कार्यमा सबैले हातेमालो गर्दै अघि बढ्न भन्दै र क्लबलाई उचाईमा पुर्याएकोमा उनले सबै पदाधिकारीलाई बधाई तथा धन्यवाद ज्ञापन गरेका थिए ।
कार्यक्रममा हेल्पर केयरिङ सर्कल क्लबको उपाध्यक्ष सुस्मिता भट्टराईले शुभकामना मन्तव्य दिएकी थिईन् । क्लबका कोषाध्यक्ष अर्जुन भुसाल , सह–सचिव विक्रम अधिकारी, सदस्यहरु शृष्टी बस्नेत, अरुण सुनार, कोमल सुनार, अस्निता कुवर, किरण खनाल, सुवेक्षा खनाल, नवीन नेपाललगायतको उपस्थिति थियो। कार्यक्रम सञ्चालन क्लबका सचिव अस्मिता पाण्डेले गरेका थिए । File Photo/RN
