काठमाडौं,२९ असार । एसीसी इमर्जिङ टिम्स एसिया कप क्रिकेट प्रतियोगितामा आफ्नो पहिलो खेलमा पाकिस्तान ‘ए’ सँग प्रतिस्पर्धा गरिरहेको नेपाललाई पावर प्लेमै ६ झट्मका लागेको छ ।
श्रीलंकामा जारी प्रतियोगितामा टस जितेर पहिले ब्याटिङ गरिरहेको नेपालले लगातार विकेट गुमाउँदै गएको छ । ओपनर कुशल भूर्तेललाई १ रनमा गुमाएको नेपालले अर्का ओपनर आसिफ शेखलाई १२ रनमा गुमाएको थियो भने कप्तान रोहितकुमार पौडेल ४ रनमा पेविलियन फर्किएका छन् । त्यस्तै भीम सार्की १ रनमा आउट भएकामा ओपनर अर्जुन साउद १४ रनमा आउट भएका थिए भने छैठौं विकेटमा रुपमा पवन सर्राफ १ रनमा आउट भएका छन् ।
नेपाली टिमका निक्कै आशालाग्दा खेलाडि आरिफ शेखलेृ नाम फिर्ता लिएपछि मौका पाएका पवनको पनि ब्याट नचलेपछि नेपाल संकटग्रस्त बनेको छ ।
पहिलो ओभरमा उत्कृष्ट प्रदर्शन गर्दै १४ रन जोडेको नेपालले त्यसपछि गतिलो प्रदर्शन गर्न नसक्दा अलआउटको दिशामा अघि बढिरहेको छ ।
ताजा अवस्थामा नेपालले ९ ओभरको समाप्तिमा ६ विकेट गुमाउँदै ३९ रन बनाएर खेलिरहेको छ ।
अहिले नेपालको क्रिजमा कुशल मल्ल र गुल्शन झा रहेका छन् ।
