काठमाडौं, २९ असार । सिजी इलेक्ट्रिकको ब्रान्ड एम्बेस्डरमा सुरक्षा पन्त नियुक्त भएकी छन्।
चौधरी ग्रुप अन्तर्गत अन्तर्गतको सहायक कम्पनी र विद्युतीय उपकरणमा अग्रणी कम्पनी इओएल प्रालिले पन्तलाई सिजी इलेक्ट्रिकको ब्रान्ड एम्बेस्डरमा नियुक्त गरेको हो।
सुरक्षा पन्त र कम्पनीबीचको सहकार्यले प्रतिभा र उत्कृष्टताको प्रतीकलाई एकै ठाउँमा ल्याउने, ब्रान्डको उपस्थितिलाई अझ माथि उठाउने र यसको विविध उत्पादनलाई प्रवर्द्धन गर्ने लक्ष्य राखेको छ।
नवीनता र गुणस्तरप्रति प्रतिबद्धताका लागि परिचित सिजी इलेक्ट्रिकले सुरक्षा पन्तलाई आफ्नो ब्रान्डको प्रतिनिधित्व गर्न रोजेको छ।
सुरक्षाको आकर्षण, बहुमुखी प्रतिभा र प्रभावशाली व्यक्तित्वले उपभोक्ताहरूलाई अत्याधुनिक सामानहरू उपलब्ध गराउन र सहज सेवा प्रदान गर्न सिजी इलेक्ट्रिकको दृष्टिकोणसँग पूर्ण रूपमा मिल्दोजुल्दो रहेको बताइएको छ।
पन्तले चिम्नी, सोलार र इलेक्ट्रिक उत्पादनको प्रतिनिधित्व गर्नेछिन्।
पन्त र सिजी इलेक्ट्रिक दुवैले उत्कृष्टता, निष्ठा र ग्राहक सन्तुष्टीको साझा दृष्टिकोण राख्ने कम्पनीको भनाइ छ।
यस सहकार्यले ब्रान्ड इक्विटी र उपभोक्ताहरू माझ पहुँच बढाउने शक्तिशाली सिनर्जी सिर्जना गर्ने अपेक्षा गरिएको छ।
सिजीका उपाध्यक्ष एस. सी. साबुले भने, ‘हामी सुरक्षा जीसँग हाम्रो ब्रान्ड एम्बेसडरको रूपमा आबद्ध हुन पाउँदा खुसी छौं। उनको अनुग्रह, प्रामाणिकता र उनको काम प्रतिको समर्पण हाम्रो सिजी इलेक्ट्रिक ब्रान्डको मार्गदर्शनसँग स्पष्ट रूपमा मिल्छ।’
पन्तसँगको सहकार्यले ब्रान्डलाई अर्को स्तरमा पुर्याउने र उपभोक्ताहरूबीच सिजी एक विश्वसनीय ब्रान्डको रूपमा स्थापित हुने विश्वास उनले व्यक्त गरे।
