रास्वपा उपसभापतिलाई ज्यान मार्ने धम्की, एक जना पक्राउ

काठमाडौं, १ साउन । राष्ट्रिय स्वतन्त्र पार्टी (रास्वपा) का उपसभापति एवं पूर्वमन्त्री डोलप्रसाद अर्याललाई ज्यान मार्ने धम्की दिएको आरोपमा एक जना पक्राउ परेका छन् । प्रहरीले खोटाङ घर भएका विजय कालिकोटेले अर्याललाई मार्ने आशयको धम्की दिएको आरोपमा पक्राउ गरेको हो । गत असार १९ गते विजयले उपसभापति अर्यालको मोबाईलमा मार्ने धम्की आशयको म्यासेज पठाएको बताइएको छ ।