काठमाडौं,९ साउन । नेपाली कांग्रेसका नेता एवं पूर्वसभामुख तारानाथ रानाभाटले मुलुकमा जतिसूकै परिवर्तन भएपनि देशको विकास नभएको भन्दै चिन्ता व्यक्त गरेका छन् ।
पार्टीका पूर्वमहामन्त्री शशांक कोइरालाले आयोजना गरेको चियापान कार्यक्रममा उपस्थित भएका रानाभाटले देशका राजनीतिक पार्टीहरुमा देशको विकास गर्नुपर्छ भन्ने चेत नआएको कारण अहिलेको परिस्थिती सिर्जना भएको बताए ।
उनले भने “जुनसुकै परिवर्तनको संवाहक नेपाली कांग्रेस हो । मुलुकको आर्थिक, सामाजिक परिवर्तन गराउने अगुवा नेपाली कांग्रेस हो । राष्ट्रिय एकता कायम गर्ने, त्यसको प्रणेता पनि नेपाली कांग्रेस हो, त्यो भूमिकाबाट पछि हट्दैनौँ,राष्ट्रिय एकताका लागि सबै मिल्नुपर्छ । विचारधारा, झन्डा, नाराको झगडा चुनावमा हो, चुनावपछि सबै मिलेर देश विकास गर्नुपर्छ भन्ने चेत राजनीतिक पार्टीमा आएन ।” file photo
