काठमाडौं,१६ साउन । कोशी प्रदेशका सभामुख बाबुराम गौतमले आफ्नो राजीनामाले प्रदेशको सत्ता संकट नटरेपनि परिवेश अनुसारको कदम चालेको बताएका छन् ।
मंगलबार राजीनामा बुझाउन विराटनगर पुगेका गौतमले गठबन्धन दलका नेतृत्वले दबाब दिएका कारण राजीनामा दिन बाध्य भएको प्रतिक्रिया दिए ।
“मैले राजीनामा नदिने अडान राखेको थिएँ, सबै राजनीतिलाई याद गर्दा र सिंगो गठबन्धनको आग्रह र अनुरोधपछि स्वीकार गरेको हुँ,” उनले भने, “सभामुखको राजीनामा उचित निकास होइन, परिवेशले पुर्याएको हो ।”
सभामुखले राजीनामा नदिई गठबन्धनलाई बहुमत नपुगेपछि गौतमले गठबन्धन जोगाउन आफ्नो पद त्यागेका हुन् ।
