काठमाडौं,१८ साउन । संसदीय सुनुवाइ विशेष समितिले दुई देशका प्रस्तावित राजदूतको सुनुवाइ सम्पन्न गरेको छ ।
समितिले आज यूएईका लागि प्रस्तावित राजदूत तेजबहादुर क्षेत्री र कुवेताका लागि प्रस्तावित राजदूत घनश्याम लम्सालको सुनुवाइ सम्पन्न गरेको हो ।
सुनुवाइका क्रममा प्रस्तावित राजदूतले आफु राजदूत बनेर गएमा दुइृ देशबीच सम्बन्धलाई थप सुदृढ बनाउन भूमिका खेल्ने प्रतिवद्धता जनाएका छन् ।
सुनुवाईका क्रममा सांसदहरुले विभिन्न प्रश्न गरेका थिए । यूएईका लागि प्रस्तावित राजदूत क्षेत्रीलाई नेकपा एमाले सांसद ईश्वरी घर्तीले महिलालाई दुव्र्यवहार गर्ने गरेको आरोप लाग्छ रे हो ? भनेर प्रश्न गरेकी थिईन् । उनले क्षेत्रीलाई तपाँई एक प्याराग्राफपनि अंग्रेजी लेख्न जान्नु हुन्न रे ? भन्दै प्रश्न गरेकी थिईन् । जवाफमा क्षेत्रीले आफु २६ वर्षदेखि कुटनीतिको क्षेत्रमा रहेको भन्दै आफ्नो भलो नचाहनेहरुले गलतरुपमा उजुरी दिएको बताए ।
त्यस्तै सांसद प्रकाश अधिकारीले यूएई रोजगारिको राम्रो सम्भावना भएको देश रहेको भन्दै नेपाल र यूूएईबीच बिप्पा सम्झौता कार्यान्वयन गराउन भूमिका खेल्न आग्रह गरे ।
संसदीय सुनुवाइ समितिले सुनुवाइ सम्पन्न गरेपछि राष्ट्रपति रामचन्द्र पौडेलबाट नियुक्त हुनेछन् । प्रस्तावित राजदूतहरु गत असार २८ गते सिफारिस भएका थिए ।
