काठमाडौं, २० श्रावण । नेपाल शिन क्योकुशिन कराँते संघको शाखा तार्केश्वर नगरपालिकास्थित् साङ्लाफाँटमा विस्तार गरिएको छ।
शाखा विस्तार कार्यक्रममा एनआरएनका क्योकुशिन कराँते प्रमुख ज्ञानेन्द्र तिमिल्सिना प्रमुख अतिथि, उक्त शाखा प्रमुख बिमल गिरि, युवा तथा समाजसेवी शिव प्रसाद जैसीलगायत खेलाडी र स्थानीयहरूको सहभागीता रहेको थियो।
शाखा प्रमुख गिरिले मन्तव्य राख्दै तार्केश्वर नगरपालिकाभित्र रहेका खेलाडी तथा अन्य इच्छुक व्यक्तिहरुलाई सहभागी गराई दक्ष खेलाडी उत्पादन गर्न शाखाले भूमिका खेल्ने दाबी गरे।
प्रमुख अतिथि तिमिल्सिनाले खेलले व्यक्तिलाई तन्दुरूस्त बनाउने हुँदा सबैलाई कराँते खेलमा सरिक हुन आग्रह गरे।
