काठमाडौं, २० श्रावण । प्रधानमन्त्री पुष्पकमल दाहाल ‘प्रचण्ड’ले भारतको उत्तराखण्डस्थित् रूद्रप्रयागमा पहिरोमा परेर बेपत्ता भएका नेपालीको खोजीका लागि कूटनीतिक पहल गरिएको बताएका छन्।
शनिबार सामाजिक सञ्जालमार्फत उनले रूद्रप्रयागमा पहिरोमा परेर बेपत्ता भएका नेपालीको खोजीका लागि कूटनीतिक पहल गरिएको बताएका हुन्।
उनले लेखेका छन् :
गत बिहीबार राति भारतको उत्तराखण्ड राज्यको रूद्रप्रयागको गौरीकुण्डमा पहिरोमा परी १३ नेपाली नागरिकसहित १९ जना बेपत्ता भएको खबरले मर्माहत भएको छु । यस दुखद् घडीमा मृतकहरूप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गर्दछु । बेपत्ता नागरिकहरुको यथाशीघ्र खोजीका लागि कूटनीतिक पहल गरिएको जानकारी गराउँछु ।
