काठमाडौं,२३ साउन । रोल्पाको तिलामा बस दुर्घटना हुँदा ६ जना गम्भीर घाइते भएका छन् ।
रोल्पाको बागमाराबाट दाङ घोराहीका लागि छुटेको ना५ख २६१२ नम्बरको बस सहिद मार्गअन्तर्गत त्रिवेणी गाउँपालिका–७ स्थित रिचि तिलानजिक दुर्घटनामा परेको हो । बस सडकबाट करिब १०० मिटर तल खसेको छ ।
रोल्पा प्रहरी प्रमुख डीएसपी श्याम सारु मगरले अहिले प्रहरीले उद्धारको काम गरिरहेको बताए । बसमा १५ जना सवार थिए । जसमध्ये ६ जना गम्भीर घाइते भएका हुन् ।
घटनाबारे थप विवरण आउन बाँकी रहेको प्रहरीले जनाएको छ ।
