काठमाडौं, २६ श्रावण । नेपाली कांग्रेसले आफ्ना सांसद सुनिल शर्मा पक्राउ पर्नु आपत्तिजनक र अप्रत्यासित रहेको बताएको छ।
शुक्रबार बसेको कांग्रेस संसदीय दलको बैठकले आफ्ना सांसद शर्मा पक्राउ पर्नु आपत्तिजनक र अप्रत्यासित भएको बताएको हो।
बैठकपछि सञ्चारकर्मीहरूलाई प्रतिक्रिया दिँदै कांग्रेस प्रमुख सचेतक रमेश लेखकले भने, ‘यो आपत्तिजनक र अप्रत्यासित छ। दलको बैठक जारी छ। यसबारेमा हामी थप अध्ययन, छलफल गरेर आइतबार निर्णय गर्छौ।’
सांसद शर्मालाई नक्कली शैक्षिक प्रमाणपत्र लिएको आरोपमा सिआइबीले बिहीबार पक्राउ गरेको हो।
