काठमाडौं, ३० साउन । एक क्विन्टल भनिएको सुनको तौल फेरि घटेको छ।
गत साउन ३ गते सिनामंगलबाट पक्राउ परेको सुन राष्ट्र बैंकको टक्सार महाशाखाले मङ्गलबार गालेको र सुनको तौल ६० किलो ७ सय १६ ग्राम कायम गरिएको छ।
सोमबार ब्रेक शुबाट निकालिएको सुनको तौल ६० किलो ७ सय ८९ भएको थियोभने आज उक्त सुन गालेपछि तौल ६० किलो ७ सय १६ ग्राम कायम गरिएको हो।
टक्सार महाशाखामा सरोकारवाला निकाय र सुरक्षा निकायका प्रतिनिधिको रोहबरमा सुन जोखिएको हो।
