काठमाडौं,३१ साउन । काभ्रेको धुलिखेलमा मोटरसाइकल दुर्घटना हुँदा एक जनाको मृत्यु भएको छ ।
अरनिको राजमार्गअन्तर्गत धुलिखेल नगरपालिका वडा नम्बर ३ मा बनेपाबाट धुलिखेलतर्फ जाँदै गरेको रा ७ प ७२८८ नम्बरको मोटरसाइकललाई विपरीत दिशाबाट आउँदै गरेको बा २ क २०१९ नम्बरको ट्रकले ठक्कर दिँदा दुर्घटना भएको थियो ।
दुर्घटनामा परि प्युठान जिल्लाको धर्मवती गाउँपालिका वडा नम्बर ७ बस्ने वर्ष २७ का सुरज गिरीको मृत्यु भएको प्रहरीले जनाएको छ ।
