काठमाडौं, ३ भदौ । मध्यपश्चिम विश्वविद्यालयको ग्र्याजुएट स्कुल अफ एजुकेशनको डीनमा प्रा. यमबहादुर कार्की नियुक्त भएका छन्।
आइतबार विश्वविद्यालयका उपकुलपति प्रा.डा. नन्द बहादुर सिंहले ग्र्याजुएट स्कुल अफ एजुकेशनको डीनमा कार्कीलाई नियुक्त गरेका हुन्।
कुइनेपानी सुर्खेतस्थित् उपकुलपतिको कार्यालयमा आयोजित एक कार्यक्रममा उपकुलपति सिंहले कार्कीलाई नियुक्तिपत्र हस्तानान्तरण गरेका हुन्। त्यस्तै, उपकुलपति सिंहले आजै विश्वविद्यालय प्राज्ञिक परिषद्को सदस्यसचिवमा नवनियुक्त ग्र्याजुएट स्कुल अफ एजुकेशनका डीन कार्कीलाई नियुक्त गरेका छन्।
यो भन्दा अगाडि ग्र्याजुएट स्कुल अफ ह्युम्यानिटिज एण्ड सोसल साइन्सेसका डीन सह-प्रा. डा. लीलाधर तिवारीले ग्र्याजुएट स्कुल अफ एजुकेशनकोसमेत डीनको रुपमा कार्यभार सम्हालिरहेका थिए।
