काठमाडौं, ११ भदौ । नेपाल कम्युनिष्ट पार्टी (नेकपा) का महासचिव नेत्रविक्रम चन्द ‘विप्लव’ ले परिस्थितिले कम्युनिष्टहरुलाई एक ठाउँमा आउन पर्ने बनाएको बताएका छन् ।
आज (सोमबार) काठमाडौंमा आयोजित पार्टीको कार्यक्रममा विप्लवले प्रगतिशील कम्युनिष्टहरु एक ठाउँमा आउन आवश्यक रहेको बताएका हुन् ।
देशमाथि हस्तक्षेप भइरहेको बताउँदै उनले देशलाई हृदयदेखि नै माया गर्ने शक्तिहरु मिल्न आवश्यक रहेको बताए । ‘नेपालको परिस्थितिले प्रगतिशीलहरू, कम्युनिस्टहरू एक ठाउँमा आउनैपर्छ,’– उनले भने ।
उनले देशप्रतिको गद्धारी आफ्नै आमाप्रतिको गद्धारी हुने बताए ।
