काठमाडौं,१५ भदौ । राष्ट्रिय स्वतन्त्र पार्टी (रास्वपा) ले मधेश प्रदेशमा दुई दिने पार्टी प्रशिक्षण कार्यक्रम सञ्चालन गर्ने भएको छ ।
रास्वपाले भदौ १६ र १७ गते दुई दिने प्रशिक्षण कार्यक्रम सञ्चालन गर्न लागेको हो । पछिल्लो राजनीतिक घटनाक्रम, पार्टी, नीति–सिद्धान्त र दृष्टिकोणमा आधारित रहेर प्रशिक्षण आयोजना गर्न लागिएको राष्ट्रिय स्वतन्त्र पार्टीले जनाएको छ ।
प्रशिक्षण कार्यक्रममा पार्टी सभापति रवि लामिछाने, पूर्व बैंकर अनिलकेशरी शाललगायतका नेता उपस्थित हुने रास्वपाले जनाएको छ ।
