काठमाडौं,१८ भदौ । एसिया कप क्रिकेटअन्तर्गत भारतविरुद्धको खेलमा नेपालले तेस्रो विकेट गुमाएको छ ।
श्रीलंकामा जारी खेलमा भारतले टस जितेर फिल्डिङ रोजेपछि पहिले ब्याटिङ थालेको नेपालले कप्तान रोहितकुमार पौडेललाई तेस्रो विकेटका रुपमा गुमाएको छ । ८ बलको सामना गरेका पौडेल ५ रन बनाएर आउट भए । रवीन्द्र जडेजाको बलमा पौडेल आउट भएका हुन् ।
नेपालले पहिलो विकेटका रुपमा कुशल भुर्तेललाई गुमाएको थियो । उनी ३८ रन बनाएर आउट भएका थिए । २५ बल सामना गरेका उनले तीन चौका र दुई छक्का हानेका थिए । कुशल आउट भएपछि नेपालको इनिङ्स धर्मराएकबो छ ।
ताजा अवस्थामा नेपाल २० ओभरको खेल चलिरहँदा ३ विकेट गुमाएर ९५ रन बनाएर खेलिरहेको छ ।
