काठमाडौं, २२ भदौ । रौतहटको दुर्गा भगवती गाउँपालिका–३ स्थित रामजानकी मन्दिरका पुजारीमाथि सांघातिक आक्रमण भएको छ ।
मन्दिरका पुजारी मिश्रीलाल साहमाथि अज्ञात समूहले आज (बिहीबार) बिहान ११ बजे आक्रमण गरेको बताइएको छ । उनको टाउकोमा धारिलो हतियार प्रहार भएको छ ।
पिपरा बजारस्थित बागमती अस्पतालमा अहिले उनको उपचार भइरहेको बताइएको छ । आक्रमण कसले र किन गरेको हो भन्ने खुल्न बाँकी रहेको छ ।
