काठमाडौं, २६ भदौ। हृदयाघातबाट निधन भएका संविधानसभा अध्यक्ष एवं नेकपा (एमाले) का उपाध्यक्ष सुवासचन्द्र नेम्वाङको अन्त्येष्टिमा सरकारले राजकीय सम्मान दिने निर्णय गरेको छ । साथै उक्त दिन सार्वजनिक विदा दिइने भएको छ । आज (मंगलबार) बसेको मन्त्रिपरिषद्को आकस्मिक बैठकले यस्तो निर्णय गरेको हो ।
संविधान निर्माण प्रक्रियामा उनले गरेको योगदानप्रति सम्मान प्रकट गर्दै सरकारले राष्ट्रिय सम्मान दिने निर्णय गरेको संस्कृति पर्यटन तथा नागरिक उड्डयनमन्त्री सुदन किरातीले जानकारी दिए ।
हृदयाघातपछि कोमा उपचारका लागि सोमबार राती महाराजगञ्जस्थित त्रिवि शिक्षण अस्पतालमा लगिएको थियो । शिक्षण अस्पतालका इमरजेन्सी विभागका प्रमुख डा.रमेश महर्जनका अनुसार उनलाई राती १ः२० बजे अस्पताल ल्याएको थियो ।
अस्पताल ल्याउँदा नै उनको शरीर चिसो भइसकेको थियो । नेता नेम्बाङको ४ः२० मिनेटमा औपचारिकरुपमा निधन भएको अस्पतालले घोषणा गरेको थियो ।
