काठमाडौं,२६ भदौ । काठमाडौं महानगरपालिकाको वडा नम्बर १६ को कार्यवाहक वडाध्यक्षको जिम्मेवारी पुष्प महर्जनलाई दिइएको छ । हिजो बसेको वडा समितिको बैठकले महर्जनलाई कार्यवाहक वडाध्यक्षको जिम्मेवारी दिने निर्णय गरेको हो ।
वडाध्यक्ष मुकुन्द रिजालको गत साता असामयिक निधन भएपछि उक्त पद रिक्त भएका थियो । भाइरल निमोनिया देखिएपछि भदौ १७ गते ग्राण्डी अस्पताल भर्ना भएका उनको भदौ २१ गते बिहान निधन भएको थियो ।
महर्जन गत वर्षको स्थानीय तह निर्वाचनमा नेकपा एमालेका तर्फबाट वडा सदस्यमा निर्वाचित भएका थिए ।
