काठमाडौं, ११ असोज । नेकपा (एमाले) कर्णाली प्रदेश प्रथम अधिवेशनको बन्दसत्र सुरु भएको छ । अधिवेशनको बन्दसत्र आज (बिहीबार) बिहान ८ बजेबाट सुरु हुने भनिएपनि बेलुका ५ बजेबाटमात्रै सुरु भएको हो ।
अधिवेशनको उद्घाटन एमाले अध्यक्ष केपी शर्मा ओलीले हिजो (बुधबार) गरेका थिए । एमालेले कर्णाली प्रदेश अधिवेशन सर्वसम्मत गराउन चाहेको थियो । आज बिहानदेखि नै सर्वसम्मतीको प्रयास भएको थियो । एमाले महासचिव शंकर पोखरेल लगायतका नेता सर्वसम्मतको प्रयामा लागेपनि प्रयास सफल हुन सकेन ।
कर्णाली प्रदेश अध्यक्षको प्रत्यासीमा गुलाबजंग शाह र मिनबहादुर शाही रहेका छन् । अझै सहमतिका लागि प्रयास भइरहेको पनि निर्वाचन सम्भावना कम देखिएको एमालेले जनाएको छ ।
