काठमाडौं, १८ असोज । सरकारले चालचलन राम्रो भएका कैदी बन्दीहरुलाई कारागार बाहिर बस्न दिने कानुनी व्यवस्था कार्यान्वयनमा ल्याउने भएको छ ।
एक वर्षभन्दा बढि सजाय पाएर कैद सजायको दुई तिहाइभन्दा बढि कैद अवधि भुक्तान गरिसके राम्रो चाल चलान भएलाई प्यारोलमा राख्न सकिने व्यवस्था कार्यान्वयनमा आउन लागेको हो ।
मंगलबार बसेको मन्त्रिपरिषदको बैठकले यस्तो निर्णय गरेको हो । फौजदारी कसुर सजाय निर्धारण तथा कार्यान्वयन ऐन २०७४ को दफा ४९ मा रहेको प्यारोलसम्बन्धी व्यवस्थालाई सरकारले आगामी कात्तिक १ गतेदेखि कार्यान्वयनमा ल्याउन लागेको छ ।
यस विषयमा राजनीतिक विश्लेषक प्रकाश रायमाझीले आवाज उठाउँदै आएका थिए । अन्ततः सरकारले प्यारोल कार्यान्वयनमा ल्याउने भएको हो ।
