![](https://reportersnepal.com/wp-content/uploads/2023/03/1606296836pakrau-768x436.jpg)
काठमाडौं, १४ कात्तिक । गणतन्त्र दिवसको अवसरमा कैद मिनाह पाएका रामचन्द्र थापा पक्राउ परेका छन् । थापाले एक व्यक्तिसँग २५ लाख रुपैयाँ मागेको र नदिए ज्यान मार्ने धम्की दिएपछि उनी पक्राउ परेका हुन् ।
थापा यसअघि पनि डाका मुद्दामा जेल चलान भएका थिए । डाका मुद्दामा चार वर्ष छ महिना कैद सजाय भुक्तान गरी कैद मिनाहा पाएको थापा छ महिना नपुग्दै पुनः पक्राउ परेका छन् ।
उनलाई चितवन प्रहरीले भरतपुर महानगरपालिका –९ बाट पक्राउ गरेको छ । गणतन्त्र दिवसको अवसरमा असल चालचलन रहेको भन्दै उनको कैद मिनाह गरिएको थियो ।