काठमाडौं, १५ कात्तिक । रिगल डन भनिने योगराज ढकालको आममाफीविरुद्ध परेको रिटमा आज आदेश नआउने भएको छ । सर्वोच्च अदालतका न्यायाधीश ईश्वरप्रसाद खतिवडा, सपना प्रधान मल्ल र कुमार चुडाल रहेको पूर्ण इजलासमा रिटको सुनुवाइ भइरहेको उक्त रिटमा भोलिमात्रै आदेश आउने बताइएको छ ।
व्यक्ति हत्या अभियोग पुष्टि भएर जेल सजाय काटिरहेका रिगललाई नवौं संविधान दिवसको अवसरमा सरकारको सिफारिसमा राष्ट्रपति रामचन्द्र पौडेलले आममाफी दिएका थिए । उनको आममाफीले राष्ट्रपति पौडेलसमेत विवादमा तानिएका छन् ।
रिगलले नेपालगञ्जका चेतन मानन्धरलाई खुँडा प्रहार गरी हत्या गरेका थिए । व्यक्ति हत्याको अपराधीलाई आममाफी दिइएको भन्दै चेतनकी श्रीमती सरकारविरुद्ध रिट निवेदन लिएर सर्वोच्च पुगेकी थिईन् ।
