काठमाडौं, १८ पुस । उच्च अदालतमा रिक्त रकेका ४० जना न्यायाधीश नियुक्तिको तयारी थालिएको छ । न्याय परिषद्ले रिक्त पदमा न्यायाधीश नियुक्तिबारे छलफल र सम्भावित उम्मेदवारको तयारी गरिरहेको हो ।
न्यायाधीश नियुक्तिको सिषयलाई लिएर हिजो (मंगलबार) न्याय परिषद्को बैठक बसेर लामो छलफल भएको छ । बाँकी छलफल र निर्णयका लागि आज पनि बैठक बस्ने तयारी रहेको छ ।
हिजोको बैठकमा सबैभन्दा बढि जिल्ला न्यायाधीशबाट उच्च अदालतमा न्यायाधीश नियुक्ति गरिने समझदारी बनेको बताइएको छ । साथै, कानुन व्यवसायी र न्याय सेवाका कर्मचारीबाट पनि न्यायाधीश नियुक्ति गरिनेछ । प्रदेशगत प्रतिनिधित्वको सुनिश्चिततासहित कानुन व्यवसायीबाट न्यायाधीश नियुक्ति हुने बताइएको छ ।
