काठमाडौं ६ माघ । आम जनता पार्टीको भातृ संगठन आईटी आर्मीको मौलापुरको नगर भेला सम्पन्न भएको छ । आजपा अध्यक्ष प्रभु साहको अध्यक्षतामा सम्पन्न भएको उक्त भेलामा हजारौं युवाहरुको सहभागी भएको बताइएको छ ।
उक्त भेला पतौरास्थित श्री जवाहर आधारभूत बिधालयमा युवाप्रतिभा मनु पटवाको अध्यक्षता एवं आजपा महासचिव उपेन्द्र साह लगायतका नेताहरूको विशेष उपस्थितिमा सम्पन्न भएको थियो । शारीरिक अभ्याससहित सम्पन्न उक्त भेलाले बैंकिङ लुटको विरुद्ध घोषित माघ ११ गतेको मधेश बन्दलाई सफल पार्ने प्रतिवद्धता व्यक्त गरिएको बताइएको छ ।
