काठमाडौं, ८ माघ । तनहुँ र आसपासका भेगमा चिरपरिचित एक असल गुरु, समाजसेवी एवम् निष्ठावान क्रान्तिकारी कम्युनिष्ट योद्धा स्वर्गीय छविचन्द्र ढकालको स्मृतिग्रन्थ प्रकाशन हुन लागेको छ । उनले समाजमा पुर्याएको योगदानको सम्मानस्वरुप उक्त ग्रन्थ प्रकाशित गर्न लागिएको उनका छोरा सुदीप ढकालले जानकारी दिए ।
क्यान्सर रोगका कारण छविचन्द्र ढकालको ७१ वर्षको उमेरमा निधन भएको थियो । स्वर्गीय ढकालको सम्झनामा प्रकाशित हुन लागेको स्मृति ग्रन्थ आगामी माघ २१ गते प्रज्ञा भवन कमलादीमा लोकार्पण गर्ने तयारी रहेको स्व. छविचन्द्रका छोरा सुदीपले बताए ।
