काठमाडौं, ९ माघ । सप्तरीको राजविराजमा निर्माण गरिएको इन्जिनियरिङ कलेजको भवनको आज उद्घाटन गरिएको छ ।
महेन्द्र विन्देश्वरी बहुमुखी क्याम्पस प्राङ्गणमा निर्माण गरिएको उक्त भवनको एक कार्यक्रमका बीच जनता समाजवादी पार्टी (जसपा) नेपालका अध्यक्ष उपेन्द्र यादवले उद्घाटन गरेका हुन् ।
विसं २०७४ को निर्वाचनमा यादव सप्तरी क्षेत्र नं २ बाट प्रतिनिधिसभा सदस्य पदमा निर्वाचित हुँदा उनकै संसदीय कोषबाट उक्त भवन निर्माण भएको थियो ।
भवनभित्र चार कक्षा कोठा, ल्याब तीन, पुस्तकालय, क्याबिन, एडमिन हेड, रिसेप्सन, प्रतीक्षा कक्ष र शिक्षक कोठा रहेका छन् ।
