काठमाडौं, ११ माघ । नेकपा (माओवादी केन्द्र) का केन्द्रीय सदस्य एवं युवा संगठन योङ्ग कम्युनिष्ट लिग (वाईसीएल) नेपालका अध्यक्ष सुवोधराज शेर्पालीले नेपाली कांग्रेस सत्ता गठबन्धन दलको उम्मेदवारलाई हराएर खुसी भएको टिप्पणी गरेका छन् ।
आज (बिहीबार) कोशी प्रदेशबाट महिलातर्फ सत्ता गठबन्धन दलबाट उम्मेदवार रहेकी चन्दा कार्की राष्ट्रिय सभा सदस्य निर्वाचनमा पराजीत भएपछि अध्यक्ष शेर्पालीले यस्तो टिप्पणी गरेका हुन् ।
‘गठबन्धनको उम्मेदवार हराउँदा खुसी मान्ने काँग्रेससँग अगाडिको यात्रामा कति विश्वास गर्ने ? अब त समीक्षा गर्ने कि कमजोरी भयो भन्दै पसारिने ?’ उनले प्रश्न गरेका छन् ।
